ART hi eng tihna nge!?

Kenny Muankima

HIV/AIDS chungchang sawi hi chuan ART leh ARV hi sawi loh theih loh chin a awm a, chutih rual chuan a awmzia hriat loh ve theih deuh a nih avangin kan hriatchianna atan kan share ve leh reng reng ang e. A bikin treatment la lai tan ngat phei chuan a awmzia hriat ngei hi a ṭha ve hrim hrim.. Miin heng lamtawi hi an hman hunah kan bo hu hu lohna turin..

ART hi Antiretroviral Therapy emaw Antiretroviral Treatment emaw tihna niin, a khawi zawk ve ve pawh ni se a lamtawi atan ART ti hian sawi mai ṭhin a ni a. HIV+ te taksa hrisel tak nei tur leh AIDS vei lo tura enkawlna ve ve, thil thuhmun a nih avangin miin Treatment tiin emaw Therapy tiin emaw sawi pawh ni se thuhmun reng a nih hriat tur a ni.

Miin ART a lak hian a tlangpuiin damdawi (ARV) chi 3 tal a ei ṭhin a, chuvangin a hma chuan mum 3 te nitin an ei a ngai ṭhin. Mahse khawvel thiamna sang zelah HIV/AIDS chin pawh kan chiang deuh deuh a, HIV+ te tana kawng awlsam leh hahdam zawk tur pawh zawn tel zel a ni a. Tunah chuan a tam zawkin ni 1 a mum 1 ei chi an ei ta a, he damdawi mumah hi chuan damdawi (ARV) chi 3 chu an belhbawm sa vek tawh tihna a nih chu. Chuvangin tunlaiah chuan miin damdawi (ARV) a  ei ṭha a nih chuan ‘viral suppression‘ a nei hma em em tawh a ni.

Heti chinah hian duhtawk phawt ila, a tahtawlin kan ziak zel dawn nia..

Reference:
1. Aids Info
2. i-Base

You may also like:

Updated: October 9, 2019 — 8:54 am

2 Comments

Add a Comment
  1. A van țha țhin ve aw. Ka var leh uar mai.

  2. ART ei lai
    nei te hian..Zu leh ruihhlo dang an tih hian.
    Ruihbuaina chance a siam sak thei em?

Leave a Reply

Your email address will not be published.