ARV hi eng tihna nge?

– Kenny Muankima

HIV/AIDS chungchang sawi hi chuan ART leh ARV hi sawi loh theih loh chin a awm a, chutih rual chuan a awmzia hriat loh ve theih deuh a nih avangin kan hriatchianna atan kan share ve leh reng reng ang e. A bikin treatment la lai tan ngat phei chuan a awmzia hriat ngei hi a ṭha ve hrim hrim.. Miin heng lamtawi hi an hman hunah kan bo hu hu lohna turin..

ART miin a lak ṭan tawh chuan a taksa veng turin damdawi a ei ṭan ṭhin a, chung damdawi an ei ṭhin te chu Antiretroviral an ti a, a lawmtawiin ARV an ti mai ṭhin. A chhan pawh HIV hi retrovirus chi khat a ni a, HIV do let tur damdawi a nih vangin Antiretroviral an ti ta a ni. ARV hi chi hran hran a tam hle a, chi hran hran hian hming hran/bik a nei zel a. Mahse chung damdawi te chu chawhpawlh a nih hma leh nih hnu pawhin ARV ti hian an sawi mai ṭhin.

Miin ART a lak hian a tlangpuiin damdawi (ARV) chi 3 tal a ei ṭhin a, chuvangin a hma chuan mum 3 te nitin an ei a ngai ṭhin. Mahse khawvel thiamna sang zelah HIV/AIDS chin pawh kan chiang deuh deuh a, HIV+ te tana kawng awlsam leh hahdam zawk tur pawh zawn tel zel a ni a. Tunah chuan a tam zawkin ni 1 a mum 1 ei chi an ei ta a, he damdawi mumah hi chuan damdawi (ARV) chi 3 chu an belhbawm sa vek tawh tihna a nih chu. Chuvangin tunlaiah chuan miin damdawi (ARV) a  ei ṭha a nih chuan ‘viral suppression‘ a nei hma em em tawh a ni.

Heti chinah hian duhtawk phawt ila, a tahtawlin kan ziak zel dawn nia..

Reference:
1. Aids Info
2. i-Base

You may also like:

Updated: October 9, 2019 — 8:55 am

Leave a Reply

Your email address will not be published.