ARV Color hrang hrang chungchanga in zawhna!

Lalruatfeli, PWNM

FB ka hmang loh char char hnuah ka hmang regular ve leh ta hle mai. Inbox lam ka check khat em em a, ka check chhun hian HIV lam kaihhnawih zawhna pahnih khat tal a lo awm ṭhin.

Tunhnaiah HIV damdawi (ARV) chungchang zawhna ka dawn ho hi ka ngaih pawimawh em avangin ka’n thailang lawk a nge….

A bik takin ka positive puite tan leh HIV positive chhungte emaw, ṭhiante tan bik aw….

Q. Ka damdawi hi a mum pawl a nia, a mum eng min lo pea enge a awmzia le?

– ART Cetre aṭanga i damdawi an thlak sak che a nih chuan thlak theihna tur chhan hrang hrang a awm thei anga, inthlahrung hauh lovin Doctor leh nurse te pawh zawhfiah theih a ni.

– Damdawi kan ei reng reng hi chi thum inkawp a ni deuh ber a (mum khatah khan damdawi chi thum a in combine tihna nih chu). Kan damdawi combination hming chi hrang kan hriat ve hi a pawimawh em em a, kan mawhphurhna pawh a ni thei hial awm e. A hmingtluana kan hriat theih loh pawhin a lamtawi talin i hria ang u… Inpuih leh inhrilhfiah a awlsam zawk nan..

– HIV positive nih avanga mawlmang taka Doctor ten “Hei hi ei rawh..” an tih ang ang tawngpawng ei vek rikngawt pawh a dik ber lohna lai a awm thei ve tlat! Doctor te hi mi buai tak an ni a, patient tam tak an enkawl a, an fakawm em em. Chutih rualin ṭhahnemngaih dan pawh a inchen lo ve thei. I damdawi ei tur kha a expired tawh em? tih te check thlap zel ang che. Tin, i ei ngai loh combintion dang an pek che chuan a chhan i zawhfiah emaw i hriatfiah kha i taksa tan a i tih ngei ngei tur pakhat a ni. (Keipawh kum 2012 lam khan ART chikhat expired tawh thla 2 chhung ei tur min pe a, ka en vang vang a, damdawi chak lutuk – tunah phei chuan kha damdawi kha a awm tawh lo supply ah pawh – a ni si a. Doctor ka zawt a, “pawilo” ti mahse ka ei ngam ta lo. Lo ei ta ila ka nunna hian a tuar ang em tih kha zawhna lian tak a ni!) HIV+ te kan damdawi ei leh inenkawlna kawnga kan fin chhohzel a pawimawh hle..

– Damdawi reng reng a rawng emaw, a mum len zawng (size) aṭangin emaw chhinchhiah lo ang u, company dang dangin a rawng leh a size hran pawhin an siam thei si a. A hming lamtawi talin kan ei lai hi chhinchhiah i tum tlat ang u.

Midang kai darh loh hi kan mawh a nih thu erawh ka zep tel hram duh. Kan ram leh hnam kan chhan ve theihna kawng a ni si a..

HIV kaihhnawih zawhna nei te inawm a nih chuan inthlahrung hauh lovin a hming khi click in facebook lamah lo inbox ula, a theih ang tawk leh hman hun hunah lo chhan/puih ve zel che u a lo tum dawn a nih chu. Treatment Literacy (Treatment chungchang inzirtirna hi kan la nei tlem hle a, hre mumal lo tamtak kan awm ngei ngei ang. Chuvangin a hre zawkte zawh hi i hreh lo ang u).

You may also like:

Updated: January 10, 2020 — 5:51 pm

Leave a Reply

Your email address will not be published.