Viral Load Count hi engtihna nge?

Kenny Muankima

Viral load count hi kan sawi ri ve ta fo a, a awmzia chiah hriat loh palh awm thei a ni a, a mawlmang zawk te tan a awmzia hi sawifiah leh dawn chhin teh ang.

Viral load test hi HIV viral load test a ni a, he test hmang hian thisena HIV tam lam teh ṭhin a ni. Hei hi chu CD4  Count nen inlet thawk ang a ni ber, a tlem pauh leh thisenah HIV hmuh tur a tlem tihna a nih avangin a ṭha zawk thung. CD4 Count kha chu a sang apiang a ṭhat laiin..

ART la te damdawi ei ho hian a tum bulpui ber chu thisena HIV hmuh theih loh khawpa virus te nawr tawmim zawh a ni a, a awmzia ah chuan HIV te kha an thi zo ta tihna ni lovin antiretroviral regime/drugs kan ei an hlauh vangin thisena khawlin a hmuh theih loh khawpin an bihruk theihna lai apiangah an biru zo ta ti ila a fiah zawmah mai thei.

A khawl hman a zirin HIV thisena la awm zat a hmuh theih chin hi a in ang lo leh zel bawk a. Khawl ṭhenkhatin 50 copies/ml hnuai lam a hmuh theih tawh loh laiin khawl changkang zawk te chuan 20 copies/ml thleng a hmu thei thung.

Thisena viral load hi a san chuan thisenah HIV an pung chak zual dawn tihna a ni a, AIDS stage luhna chance a sang a, dam hun chhung automatic in a pawt tawi ang pawhin a sawi theih ang. Tun dinhmuna thisena virus tam lam an hmuh theih chinah 1,000,000 copies/ml aia sang nei te an awm laiin khawlin a hmuh theih tawh loh khawpa tlem nei mi tam tak an awm tawh bawk.

Hmuh theih loh (undetectable) dinhmun thleng tur khawpa treatment kan la ṭha a nih chuan, HIV pung zel tur a tawp hmak lo deuh a nih palh pawhin a muang em em tawh a. Chuvangin hriselna a vawnghim rei a, nun a pawtsei tiin a sawi theih bawk ang.

Mahse kan hriatreng tur erawh hetiang dinhmun thlen vang hian kan taksaa lut tawh HIV kha a thi ta vek tihna a ni lo a, treatment kan ngaihthah rual rualin spring nawr tawm kan thlah thuta lo inperh chhuak leh awt ang maiin an rawn pawr thar leh nghal ang. Chuvangin HIV kai tawh tan chuan ART treatment lak ṭhat leh a hun dik chat ngaih pawimawh hi kan nun pawhseina hnar ber tihna a nih chu.

Heti chinah hian duhtawk ila, CD4 leh Viral Load hi engvanga ngaih pawimawh loh theih loh nge a nih leh a test dan phung te kan la sawifiah leh dawn nia.

Ref: U.S. Department of Veteran Affairs

You may also like:

Updated: February 8, 2019 — 1:14 pm

2 Comments

Add a Comment
  1. Ka chhiar thui telh2a tha ka ti telh2 mai

    1. A lawmawm nasa.. Lo chhiar chhuak dap rawh khai..

Leave a Reply

Your email address will not be published.